September 05, 2019

"Bo mester hasi un lob"

Pa razon mi mester chek si un hende tin permit pa un konstrukshon m'a bai na ROP. Bewaker a duna mi un number -tabata number 10- i m'a warde un mei ora. Momento mi tabata aan de beurt m'a bai bali i m'a splika e situashon i tambe ekspreshona mi desea p'a wak si tin un permit. E senora tras di bali a bisami mi mester hasi un lob. Kiko un lob ta senora? E senora a risponde ku "Mi no sa eigenlijk, mi ta bai puntra mi kolega, sigur e sa kiko ta."

Kolega a bin dilanti i l'a splikami ku un lob ta referer na Landsverordening openbaarmaking bestuur. Kasi korekto pasobra en landsverordening ta openbaarheid bestuur.
Meneer no por hasi e lob aki mes. Meneer mester bai Bentana di Informashon banda di Subway na Salinja.
M'a bai imediamente. E bewaker aya no kier laga mi drenta e edifisio. Di kon no m'a puntra? Pa razon tin 3.15 or awor aki i nos ta sera 3 or.

Semper mi ta traha djis 5 or o mas lat m'a rispondi pero nada pa hasi m' bai bek na nos ofisina. Otro dia m'a bai bek na bentana di informashon na unda m'a warda un otro mei ora. M'a bisa e senora ku a atende ku mi mester hasi un lob. Yena e formulario aki e l'a bisami. M'a yene l'e i dune l'e bek na e senora ku imediamente kuminsa ku kopia tur e kos ku m'a skirbi den su kompjoeter. Mi pensamentu tabata ku mi a por hasi esaki durante e mei ora ku m'a warda. E senora a dunami un dia ku nan mester risponde riba mi lob i tambe a bisami ku nan no ta bai logra ku responde e dia. T'a pesei tin un otro dia riba e formulario mas den futuro naturalemente i nan ta spera ku logra pa un responde pa e dia. Mi ta hopi kaweta si nan bai logra si o no.

No comments:

Post a Comment